“Azərişıq”ın vəzifəli şəxsi ailəsi ilə qəzaya düşdü - Xanımı öldü (YENİLƏNİB)

“Azərişıq”ın vəzifəli şəxsi ailəsi ilə qəzaya düşdü - Xanımı öldü (YENİLƏNİB)
Noyabrın 16-da saat 20 radələrində Şamaxı şəhəri ərazisində Bakı şəhər sakini E.Əkbərli idarə etdiyi “Chevrolet” markalı avtomobili dərəyə aşırıb. Nəticədə sərnişinləri - həyat yoldaşı Suğra və 2 yaşlı oğlu xəstəxanaya yerləşdiriliblər.
Bu barədə Daxili İşlər Nazirliyindən məlumat verilib.
Bildirilib ki, qadın xəstəxanada ölüb, uşağın vəziyyəti qənaətbəxşdir.
Baş İstintaq və Təhqiqat İdarəsi tərəfindən araşdırma aparılır.
***10:37
Şamaxıda ağır yol-nəqliyyat hadisəsi baş verib.
Hadisə Bakı-Şamaxı-Yevlax yolunun Şamaxı rayonu ərazisindən keçən hissəsində qeydə alınıb.
Belə ki, 1990-cı il təvəllüdlü Emil Əkbərlinin idarə etdiyi "Chevrolet Cruze" markalı avtomobil Bakı şəhəri istiqamətində hərəkətdə olarkən yoldan çıxaraq dərəyə aşıb. Nəticədə avtomobildə olan sərnişin, 2000-ci il təvəllüdlü Suğra Əkbərli aldığı xəsarətlərdən xəstəxanada ölüb.
Faktla bağlı araşdırma aparılır.
*** 09:20
"Qafqazinfo"nun məlumatına görə, İsmayıllı rayon sakini olan E.Əkbərli son günlərədək “Azərişıq” ASC-nin “Şimal-Qərb” Regional Enerji Təchizatı və Satışı İdarəsinin Oğuz rayon şöbəsinin rəisi vəzifəsində çalışıb. O, bir neçə gün əvvəl işdən çıxıb və Bakıya təyinat alıb. Hadisə də vəzifəli şəxs ailəsi ilə birgə Bakıya gələrkən baş verib.
Gundelik-Baku.Org