Şamaxıda yol-nəqliyyat hadisəsi baş verib.
Bu barədə Daxili İşlər Nazirliyinin Mətbuat Xidmətindən məlumat verilib.
Bildirilib ki, hadisə oktyabrın 29-da saat 23 radələrində rayonun Quşçu kəndi ərazisində qeydə alınıb.
Belə ki, Şamaxı şəhər sakini Tural Hörmətzadə idarə etdiyi “VAZ-2107” markalı avtomobili yolun kənarına aşırıb. Nəticədə sürücü hadisə yerində ölüb, 3 sərnişini isə xəstəxanaya yerləşdirilib.
Şamaxı Rayon Polis Şöbəsində araşdırma aparılır.