Cənubi Koreyanın donanması Sarı dənizdə quru qoşunları, hava qüvvələri və sahil mühafizəsi, həmçinin ABŞ ordusunun iştirakı ilə genişmiqyaslı hərbi təlimlərə başlayıb.
Təlim oktyabrın 18-dən 28-dək davam edəcək. Təlim üsusi əməliyyatlara qarşı çıxmaq və onlara cavab vermək üçün Koreyalararası sərhəd yaxınlığında dənizdə ordunun birgə əməliyyat imkanlarını inkişaf etdirmək məqsədi daşıyır. Təlimdə 20-dən çox döyüş gəmisi, o cümlədən Aegis esminesləri və freqatları, həmçinin helikopterlər, F-15K və F-16 qırıcıları və A-10 hücum təyyarələri iştirak edir.
Bundan əvvəl Cənubi Koreya ordusu Cənubi Koreyanın dəniz ərazisini işğal edən Şimali Koreya ticarət gəmisinə 20-yə yaxın xəbərdarlıq atəşi açdıqlarını bildirmişdi. Sahil müdafiə bölmələrinin MLRS sistemlərindən "xəbərdarlıq atəşi" açılmışdı.