İspaniyada 77 yaşlı qadının qəfil ölümü ailəsini çox kədərləndirib.
Xarici KİV xəbər verir ki, ancaq yaşlı qadın üçün hər şey bitəndə möcüzə baş verib.
İspaniyada yaşayan 77 yaşlı Maria Berta Rodriges başına gələn qeyri-adi hadisədən əvvəl normal həyat sürüb. O, ürəyindən əməliyyat olunub və şəkər xəstəsi olub. Halbuki onun sağlamlığı olduqca normal idi.
Bütün bunlar aprelin sonunda səhər yeməyi zamanı baş verib. Oğlu Kiko Qarsiya həmin anları belə təsvir edir:
“O, tərləməyə başladı, ağardı və başgicəllənmə hiss etdi. Şəkərin qalxdığını düşündük, amma pisləşəndə təcili yardım çağırdıq”.
O zaman Qarsiya bunun ciddi bir şey olduğunu düşünmürdü. Lakin tibb işçiləri evə gələndə Rodriges huşsuz vəziyyətdə idi.
Rodrigesin nəbzinə baxan həkimlər onun öldüyünü açıqlayıblar. Oğlu və tibb işçiləri Rodrigesi xərəkdə yuxarı mərtəbədəki otağına qaldırıblar. Lakin sonra, Qarsiya anasının qarşısında ağlayanda inanılmaz bir şey baş verib:
"O, hərəkət etməyə başladı və biz hamımız qorxduq, buna inana bilmədik". "Əvvəlcə heç nə etmədi, amma tədricən nəfəs almağa və reaksiya verməyə başladı", deyə Qarsiya bildirib.
Rodrigesin həyati əlamətləri bərpa olunan kimi dərhal xəstəxanaya aparılıb. Həkimlər yaşlı qadının vəziyyətinin bayılma olduğu qənaətinə gəliblər. Beyinə kifayət qədər qan axını olmadıqda senkop baş verir. Buna ürək problemləri, qan təzyiqinin qəfil düşməsi və susuzlaşdırma səbəb ola bilər. Bayılmadan əvvəl insanlar tez-tez başgicəllənmə, zəiflik və qəfil tərləmə ilə qarşılaşırlar.
Rodriges bir gecəni xəstəxanada qaldı və səhəri gün evə göndərildi. Rodrigezin sözlərinə görə, o, xəstəxana çarpayısında oyanmaqdan başqa heç nə xatırlamır. Hadisədən sonra yaddaşı əvvəlki kimi yaxşı olmasa da, normal həyatına qayıda bilib.