İran İsfahan əyalətində 10 meqavatlıq yeni nüvə tədqiqat reaktorunun tikintisinə başlayıb.
İranın rəsmi agentliyi İRNA xəbər verir ki, İsfahanda nüvə tədqiqat reaktorunun tikintisi İranın Atom Enerjisi Agentliyinin sədri Məhəmməd İslaminin iştirak etdiyi mərasimlə başlayıb.
Hesabatda deyilir ki, 20 faiz zənginləşdirilmiş nüvə yanacağını istifadə edən 10 meqavatlıq hovuz tipli reaktor nüvə yanacağının sınaqdan keçirilməsi, tibbi və sənaye radioizotoplarının istehsalı, neytron şüalarının tədqiqatı və tətbiqi işlərinin inkişafı üçün istifadə olunacaq.
Bildirilib ki, nüvə tədqiqat reaktoru ölkənin ən böyük nüvə obyektlərindən biri olan İsfahan Nüvə Texnologiyaları Mərkəzinin tərkibində yerləşəcək.