“J-11” və “J-16” tipli döyüş təyyarələri də daxil olmaqla Çin Hərbi Hava Qüvvələrinə məxsus 37 təyyarə Tayvan hava məkanını pozub.
Bu barədə Tayvan Müdafiə Nazirliyi açıqlama verib.
Nazirlikdən bildirilib ki, “J-11”, “J-16”, “H-6”, “YU-20” və AWACS da daxil olmaqla Çin Hərbi Hava Qüvvələrinə aid 37 təyyarə səhər saatlarından etibarən ard-arda Tayvanın cənub-qərb hava məkanına daxil olub.
Bir neçə təyyarə uzunmənzilli hava kəşfiyyatı təlimi üçün Tayvanın cənub-şərq hava məkanından Qərbi Sakit okeanına giriş edib.
Tayvan Silahlı Qüvvələri ISR sistemi ilə vəziyyəti yaxından nəzarətdə saxladıqlarını bildirib. Eyni zamanda cavab olaraq əraziyə CAP (“Combat Air Patrol” - Silahlı Hava Patrulu) təyyarələri, gəmilər və yerüstü raket sistemləri göndərildiyini qeyd edib.
Mənbə: Haber Global