Üçqat dünya çempionu, məşhur braziliyalı futbolçu Pelenin səhhəti yenidən pisləşib.
Xarici KİV xəbər verir ki, bu barədə keçmiş futbolçunun həkimləri məlumat veriblər.
Bildirilir ki, noyabrın 29-da düz bağırsağın xərçəngi, tənəffüs yolu infeksiyasının müalicəsi üçün kimyaterapiya kursunu tənzimləmək üçün xəstəxanaya yerləşdirilən Edson Arantis do Nasimentonun (əsl adı Pele - Red) müalicəsində mənfi tendensiya müşahidə olunur, buna görə də böyrək və ürək disfunksiyası səbəbindən daha intensiv müalicə tələb olunur.