Bu həftənin əvvəlində ABŞ-ın Florida ştatını vuran “İan” qasırğası nəticəsində azı 45 nəfər həlak olub.
Dördüncü kateqoriyaya aid edilən qasırğada küləyin sürəti 250 km/saata çatıb. Ştatda çoxsaylı dağıntılar qeydə alınıb, 2,5 milyona yaxın insan elektrik enerjisindən məhrum olub, telekommunikasiya şəbəkələri sıradan çıxıb, hava limanları bağlanıb.
“İan” post-tropik siklona çevrildiyindən, təhlükənin hələ bitmədiyi qeyd olunur.
Cənubi Karolinada hökumət sakinlərdən evlərini tərk etməməyi tələb edir.
Mənbə: CNN