İndoneziyanın Maluku əyalətinin Key adalarındakı Tual şəhərinin cənub-qərbində 6,1 bal gücündə zəlzələ baş verib.
 
Xarici medianın məlumatına görə, ABŞ Geoloji Xidməti (USGS) 6,1 bal gücündə zəlzələnin episentrinin Tual şəhərindən 130 kilometr cənub-qərbdə olduğunu açıqlayıb. Sözügedən mərkəz zəlzələnin yerin 38,6 kilometr dərinliyində baş verdiyini bildirib.
Hələlik zəlzələdə can və ya mal itkisi ilə bağlı məlumat açıqlanmayıb.