Türkiyədə daha iki zəlzələ baş verib.
Bu barədə Kandilli Rəsədxanası məlumat yayıb.
Bildirilib ki, zəlzələlərdən biri Kahramanmaraş şəhərinin Tatlar-Nurhak bölgəsində 3.7 bal gücündə, digəri isə şəhərin Cıtlık-Elbistan bölgəsində 3.9 bal gücündə olub.
Qeyd edək ki, 6 fevral səhər saatlarında Türkiyədə baş verən 7,7 və 7,6 bal gücündə zəlzələlərdə ölənlərin sayı 6 234 nəfərə çatıb, 37 011 nəfər yaralanıb. Bundan başqa, zəlzələ nəticəsində 5 775 bina dağılıb. Dağıdıcı zəlzələ Türkiyənin 10 vilayətində 13,5 milyon insana təsir göstərib.