Türkiyə polisi Trabzonda güllələnərək öldürülən kriminal dairələrdə Rezo Tbilisski kimi tanınan gürcü “qanuni oğru” Rezo Lortkipanidzeni öldürməkdə şübhəli bilinən iki rusiyalını saxlayıb.
Xarici media bildirir ki, mərhumun əhatəsində olanlar, onu Mateviç kimi tanınan başqa bir “qanuni oğru” Roin Uqlava ilə qarışdıraraq səhvən öldürülə biləcəyinə inanırlar. O və Rezo qonşuluqda yaşayırdılar - müxtəlif mərtəbələrdə yerləşən yaşayış binasının eyni girişində. Qətl günü hər ikisi Rezonun maşını ilə evdən uzaqlaşıblar. O, tək qayıdıb, lakin qatilin bundan xəbəri olmayıb. O, maşınına tərəf qaçaraq sərnişinin pəncərəsinə atəş açıb, bundan sonra qatil qaçıb.


Polis onu Trabzonun 250 kilometrliyində şəriki ilə birlikdə saxlayıb. Onların ruslar - Nabo və Reduan Mustafayevlər - əslən Ermənistandan olan, Bolqarıstandan Türkiyəyə gələn etnik kürdlər olduğu üzə çıxıb.

Dəfələrlə məhkum olunmuş Lortkipanidze ən təcrübəli və hörmətli adamlardan biri hesab olunurdu. O, qədim bir knyaz ailəsinin nəslindən idi.