Qış aylarında çöldə smartfon istifadə etmək bir o qədər də məsləhət deyil. Çünki soyuq havalarda telefon əlverişsiz anda sönə bilər. Şaxtalı, soyuq və qarlı hava batareyanın daha tez boşalmasına səbəb olur. Buna görə də şarjı kifayət qədər səviyyədə saxlamaq üçün telefonun üçün bəzi qaydaları bilmək lazımdır.
Həmin qaydaları təqdim edirik:
Çöldə soyuq havada telefonunuzu çantanıza qoymayın. Üst paltarın daxili cibində saxlamaq daha yaxşıdır. Soyuqda telefonla danışmayın və şaxtada uzun müddət saxlamayın.
Cihazdan istifadə etdikdən sonra dərhal isti yerə qoyun.
Telefonunuzu evdən çıxmazdan əvvəl doldurmayın və ya qayıtdıqdan dərhal sonra şarj etməyin. Telefonu otaq istiliyinə qədər qızdırın.