Norveç Dövlət Yol İdarəsi Ukraynaya 10 körpü şəklində humanitar yardım göndərəcək. Onlar Rusiyanın genişmiqyaslı hücumu zamanı məhv edilənlərin yerinə quraşdırılacaq.
Bu barədə Ukrayna KİV-ləri məlumat yayıb. 
Bunlar ağır nəqliyyat vasitələrinin hərəkəti üçün uyğun olan "Arrow/bailey" tipli müvəqqəti körpü konstruksiyalarıdır. Bu strukturlar təkcə yaşayış məntəqələrini birləşdirməyə deyil, həm də humanitar yüklərin çatdırılmasını, “sürətli” və təmir briqadalarının keçidini, əhalinin təxliyəsini təmin etməyə imkan verəcək.
Ümumi dəyəri 30 milyon NOK olan körpülər Norveç Xarici İşlər Nazirliyinin humanitar büdcəsindən maliyyələşdirilir. Ukraynada körpülərin yanvarda təhvil verilməsi gözlənilir.