Ekvadorda məhbuslar partlayıcı maddələrdən istifadə edərək hüquq-mühafizə orqanlarına qarşı hücum həyata keçiriblər. Hücum nəticəsində beş polis əməkdaşı həyatını itirib.  
Qeyd olunur ki, insident həbsxanalardan birindən məhbusların köçürülməsi zamanı baş verib.
Hadisə ilə əlaqədar Ekvador prezidenti Qilermo Lasso televiziya vasitəsi ilə çıxış edib.
O qeyd edib ki, hüquq-mühafizə orqanlarına qarşı hücum noyabrın birindən etibarən başlayıb.
Təkcə iki gün ərzində polis orqanlarının əməkdaşlarına qarşı ümumilikdə 12 terror hücumu həyata keçirilib.
“Mən qanun çərçivəsində hərəkət etmək qərarına gəldim. Vətəndaşları qorumaq üçün Quayas və Esmeraldasda fövqəladə vəziyyət və komendant saatı elan edilib”, - deyə Ekvador prezidenti vurğulayıb.
Mənbə: Reuters