Səhiyyə Nazirliyi səhiyyə idarələrinə bu qərarın icrası ilə bağlı zəruri tədbirlərin görülməsini tapşırıb Suriya hakimiyyəti Ərəb Respublikasına daxil olan şəxslər üçün anti-COVID məhdudiyyətlərini aradan qaldırmaq qərarına gəlib. Bu barədə bazar ertəsi Suriyanın SANA dövlət agentliyi məlumat yayıb. Onun sözlərinə görə, “Ölkənin Səhiyyə Nazirliyi Suriyaya quru, hava və ya dəniz sərhəd məntəqələri vasitəsilə daxil olanların hamısını PCR testindən keçməkdən və ya beynəlxalq standartda koronavirusa qarşı peyvənd olunduğuna dair beynəlxalq sertifikatın (təqdim edilməsi ehtiyacından) azad etmək qərarına gəlib”. Bildirilir ki, artıq idarə bu qərarın icrası üçün lazımi tədbirlərin görülməsi ilə bağlı səhiyyə idarələrinə göstəriş verib. Suriya Səhiyyə Nazirliyinin bazar günü açıqladığı son məlumatlara görə, pandemiyanın başlanğıcından bu günə qədər ölkədə ümumilikdə 57 334 koronavirusa yoluxma halı aşkar edilib, 54 000-dən çox xəstə sağalıb, 3 163 ölüm faktı qeydə alınıb.