ABŞ Çindən gələn turistlərin ölkəyə girişinə məhdudiyyətlər qoymaq niyyətindədir.
Eyni zamanda, ABŞ hakimiyyəti digər ölkələrin hazırda Çindən gələn turistlərlə bağlı gördüyü tədbirlərə də işarə edir. Belə ki, son günlər Yaponiya, Hindistan və Malayziya çinli turistlərin ölkəyə girişinə məhdudiyyətlər elan edib.
Yaponiyaya peyvənd sertifikatı ilə daxil olmaq üçün hava limanına gəldikdən sonra COVID-19 testindən keçməli və mənfi nəticəni təqdim etməlidirlər. Sertifikat olmadıqda Çindən ayrılarkən test verilməlidir. Yaponiyaya gələrkən test müsbət olarsa, turist yeddi gün karantinə alınacaq. Yaponiya hökuməti Çinlə hava əlaqəsini də məhdudlaşdırıb: dekabrın 30-dan yalnız dörd Yaponiya hava limanı Çindən birbaşa uçuşlar qəbul edəcək.
Hindistan, həmçinin Çin də daxil olmaqla, gələn xarici turistləri testdən keçirir və xəstəliyin xarakterik simptomları olanlar da karantinə alınırlar.
Çin rəsmiləri məhdudiyyətlərə münasibət bildiriblər. Onlar hesab edirlər ki, “anti-COVID tədbirlər elmi cəhətdən əsaslandırılmalı və insanların normal hərəkətlərinə mənfi təsir göstərməməlidir.
Həmçinin dünya mediası yazır ki, Çində bir çox xəstəxanalar koronavirus xəstələri ilə doludur və morqlar COVID-19-dan ölənlərin hamısını yerləşdirə bilmir. Eyni zamanda, rəsmi statistikaya görə, son bir həftə ərzində Çində COVID-19-dan yalnız bir nəfər ölüb.
Mənbə: Kommersant