Bu ilin yanvar-aprel aylarında Azərbaycanda neft məhsullarının istehsalı sahəsində istehsalın ümumi dəyəri 1 443,7 milyon manat olmaqla, əvvəlki ilin müvafiq dövrü ilə müqayisədə 18,1% artıb.
Bu barədə Dövlət Statistika Komitəsi məlumat yayıb.
Bildirilib ki, neft məhsullarının istehsalında sürtkü yağlarının istehsalı 46,5%, neft koksunun istehsalı 45,8%, avtomobil benzininin istehsalı 31,1%, qazoylların (dizel yanacağının) istehsalı 26,1% artıb.
Məlumata görə, hesabat dövründə neft bitumu istehsalı 43,2%, mazut istehsalı isə 91,5% azalıb.
Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.
Azərbaycanda neft məhsullarının istehsalı dinamikası:

Məhsul növləri	2023-cü ilin yanvar-aprel aylarında istehsal edilib	Əvvəlki ilin müvafiq dövrünə nisbətən, faizlə	01.05.2023-cü il vəziyyətinə hazır məhsul ehtiyatı
Avtomobil benzini, min ton	471,7	131,1	33,7
Ağ neft, min ton	179,5	107,3	28,3
Qazoyllar (dizel yanacağı), min ton	751,5	126,1	107,8
Mazut, min ton	3,1	8,5	1,7
Sürtkü yağları, min ton	21,1	146,5	7,3
Maye qazlar, min ton	91,7	124,1	1,6
Neft koksu, bitumu və məhsullarının digər qrupları, min ton	365,2	89,6	45,6
ondan:
neft bitumu, min ton	55,4	56,8	9,7
neft koksu, min ton	84,3	145,8	35,4