Meyxanaçı Ələkbər Yasamallı həmkarı, dostu Rəşad Dağlının bibisi oğlu İskəndər Mehtiyevi öldürməsi hadisəsindən sonra ilk dəfə açıqlama yayıb.
OLAY yazır ki, o, son günlər mediada səhhətinin yaxşı olmadığı iddiaların aydınlıq gətirib. Ələkbər deyib ki, sağlamlığı ilə bağlı bir problem yoxdur:
“Azərbaycandayam, hər şey yaxşıdır. Bu paylaşımı etməkdə məqsədim narahat olan doğmalarım, yaxınlarım və sevənlərimə yaxşı olduğumu deməkdir. Narahatlığa əsas yoxdur. Hamısı şayiədir. Yalan məlumat paylaşanlar fikirləşsinlər ki, mənim doğmalarım nigaran qalırlar. Reytinqə görə belə şeylər etmək olmaz. Tələb edirəm ki, haqqımda yazılan yanlış informasiyaları silsinlər”.