Almaniyanın Reynland-Pfalts əyalətində  şiddətli fırtına və yağış həyatı iflic edib.
Xarici KİV-lər xəbər verir ki, ildırım vurması nəticəsində 1 nəfər ölüb.
Məlumata əsasən fırtına nəticəsində ağaclar aşıb, maşınlara ziyan dəyib. Küçələrdə və binaların zirzəmilərində daşqınlar baş verib.
Dolu yağışı şəhərin bəzi yerlərində təsirli olub. Bildirilib ki, sürücülər yollarda hərəkət etməkdə çətinlik çəkiblər.
Yanğınsöndürmə idarəsindən verilən açıqlamada, fırtına ilə bağlı təxminən 120 çağırışa cavab verildiyi deyilib.