BOK-un (Beynəlxalq Olimpiya Komitəsi) prezidenti Tomas Bax G20 sammitində dünya liderləri qarşısında çıxış edib. O, rusiyalı idmançıların mötəbər yarışlarda iştirakına icazə verməyə çağırıb.
Tomas Baxın müvafiq bəyanatı BOK-un rəsmi saytında dərc olunub.
"Biz Olimpiya Xartiyasının bu kobud şəkildə pozulmasına görə Rusiya hökumətini görünməmiş şəkildə qınadıq və ona qarşı sanksiyalar tətbiq etdik. Bütün həmrəyliklə biz idmançıları və Ukrayna Olimpiya ictimaiyyətinin üzvlərini hər yerdə dəstəkləyirik. Lakin dünyamızda baş verən bir çox digər müharibə və münaqişələrdən fərqli olaraq, bu müharibə ilə bağlı bəzi hökumətlər hansı idmançıların beynəlxalq idman yarışlarında yarışmasına icazə veriləcəyinə, hansının isə icazə verilməyəcəyinə qərar verməyə başladı.Beləliklə, idman siyasi məqsədlərə çatmaq üçün başqa bir vasitəyə çevrilərsə, beynəlxalq idman dağılacaq. Olimpiya idman növləri, ölkələri münaqişə və ya müharibə şəraitində olsa belə, qaydaları qəbul edən bütün idmançıların iştirakını tələb edir. Yalnız həmfikir ölkələrin idmançıları arasında rəqabət etibarlı sülh simvolu deyil. Bu parçalanma əsrində bizim rolumuz aydındır: parçalanmaları dərinləşdirmək yox, dünyanı birləşdirmək", - deyə  o bildirib.