Kreml səbirsizliklə Türkiyə prezidenti Rəcəb Tayyib Ərdoğan və Ukrayna prezidenti Volodimir Zelenski arasında iyulun 7-də İstanbulda keçiriləcək danışıqların nəticələrini gözləyir.
Bu barədə Kremlin rəsmi nümayəndəsi Dmitri Peskov bildirib.
"Əlbəttə, biz danışıqların nəticələrini çox diqqətlə izləyəcəyik, Ankara ilə konstruktiv, tərəfdaşlıq münasibətlərimizi davam etdirəcəyik. Biz bu əlaqələri çox yüksək qiymətləndiririk və Türkiyə tərəfdən qarşılıqlı münasibət hiss edirik. Ona görə də, əlbəttə ki, cənab Ərdoğan və cənab Zelenski arasında nələrin müzakirə olunacağını öyrənmək bizim üçün maraqlı olacaq", - Rusiya prezidentinin mətbuat katibi brifinqdə deyib.