"The Simpsons"da Trampın yenidən prezident olacağı bildirildi

"The Simpsons"da Trampın yenidən prezident olacağı bildirildi
Ötən həftə ABŞ-da keçirilən aralıq seçkilərdən sonra keçmiş prezident Donald Tramp  Ağ Evə namizədliyini açıqlayıb.
2024-cü ildə keçiriləcək seçkilərə namizədliyini erkən elan edən Trampın təşkil etdiyi tədbirdən sonra məşhur cizgi filmi "The Simpsons" serialının prodüseri və yazıçısı Al Jean sosial şəbəkədə paylaşım edib.
Jean xatırladıb ki, cizgi filmində Trampın 2024-cü il üçün namizədliyi 2015-ci ildə yayımlanan bir epizodda nəzərdə tutulub. Serialın həmin səhnəsindən skrinşot paylaşan Jeanın mesajı çox bəyənilib və heyrət doğurub.
Jean tərəfindən paylaşılan görüntüdə serialın əsas personajlarından olan "Homer Simpson" uçarkən görünür və arxa planda “Trump 2024” yazısı yazılıb. Keçmişdə də oxşar proqnozlar verən serialın 2000-ci seriyasında Trampın yenidən ABŞ prezidenti olacağına diqqət çəkib. 
Gundelik-Baku.Org