Azərbaycan para-üzgüçüsü Vəli İsrafilov İngiltərənin Mançester şəhərində keçirilən dünya çempionatında finala yüksəlib.
O, 100 metr məsafəyə brass üzrə üzməkdə 1:12.34 nəticə göstərib.
Final yarışı bu gün Bakı vaxtı ilə saat 21:06-da başlayacaq.
Qeyd edək ki, Azərbaycanın digər para-üzgüçüsü Raman Saley dünya çempionatında üç medal qazanıb. İdmançı 100 metr məsafəyə arxası üstündə üzməkdə ikinci, eyni məsafədə batterflay üsulu və 50 metr məsafəyə sərbəst üzməkdə üçüncü yeri tutub.