Qazaxıstan Prezidenti Kasım-Jomart Tokayev Respublikanın İlk Prezidenti Gününün dövlət bayramları siyahısından çıxarılması barədə qanunu imzalayıb.
TASS xəbər verir ki, bu barədə Qazaxıstan prezidentinin mətbuat xidməti məlumat yayıb.
Xatırladaq ki, 2011-ci ildən bu yana dekabrın 1-i Qazaxıstanda Respublikanın İlk Prezidenti Günü kimi qeyd olunur.
Burada söhbət, 1991-ci il dekabrın 1-də keçirilən seçkilərdə ölkənin prezidenti seçilən Nursultan Nazarbayevdən gedir.
Qeyd edək ki, ləğv edilmiş Qazaxıstan Respublikasının İlk Prezidenti Gününün qeyd edilməsi Qazaxıstan Respublikasının Prezidenti Nursultan Nazarbayevin böyük nailiyyətlərinin tanıdılması məqsədilə təşkil edilmişdi.