"Qalatasaray"ın məşhur futbolçusu Mauro İkardi Türkiyənin Adıyaman bölgəsində 87 saat sonra dağıntılar altından çıxarılan Kadir adlı gəncin istəyini yerinə yetirib. 
"NTV Spor" xəbər verir ki, Kadir xilas edildikdən sonra Mauro İkardinin qol sevinci hərəkətini edib. O, İkardinin imzalı formasını istədiyini bildirib. 29 yaşlı hücumçu isə 14 yaşlı gəncə üçün "Qalatasaray"ın heyətində geyindiyi 99 nömrəli formanı imzalayaraq hədiyyə edib. 
Qeyd edək ki, fevralın 6-da Türkiyənin bir neçə bölgəsində güclü zəlzələ baş verib. Son məlumatlara görə, fəlakət nəticəsində 21 min nəfərdən çox insan ölüb, 81 min nəfərdən çox şəxs isə yaralanıb.