Habil Vəliyev 50 yaş - YUBİLEY... - “Yeni Əkinçi” Media Qrupunun rəhbəri Habil Vəliyevin 50 yaşı tamam olur…

Habil Vəliyev 50 yaş - YUBİLEY... - “Yeni Əkinçi” Media Qrupunun rəhbəri Habil Vəliyevin 50 yaşı tamam olur…
Kollektiv üzvləri Habil müəllimi təbrik edir, ona işlərində uğurlar arzulayırlar… 
Bu gün “Yeni Əkinçi” Media Qrupunun ( “Gündəlik Bakı“, “Yeni Əkinçi“, "Sabah-News" qəzetlərinin baş redaktoru, "Sabah Prodaction", “Bakitv.az“ internet televiziyasının sədri) rəhbəri Habil Vəliyevin 50 yaşı tamam olur. 
Habil Vəliyev hələ  gənc yaşlarında, 1990-cı illərdə Bakı Dövlət Universitetinin tələbəsi olarkən ölkədə başlanan siyasi proseslərdə yaxından iştirak edib və öz gələcək yolunu müəyyənləşdirib. Bu Ulu Öndər Heydər Əliyevin yolu idi. Habil Vəliyev ən çətin situasiyalarda belə Heydər Əliyevçi olmağı ilə fəxr edib. Habil Vəliyev tələbə hərəkatında yaxından iştirak etməzdən öncə erməni faşitlərinə qarşı Qarabağ müharibəsinə qoşulub, Azərbaycanın ilk zabitlərindən biri kimi qəhrəmancasına döyüşüb, dəfələrlə yaralanıb, amma sözün geniş mənasında yolundan dönməyib. Sonrakı illərdə, yəni atəşkəs rejimi dövründə də  Habil Vəliyev öz mübarizəsindən geri çəkilməyib. Və bu dəfə siyasi mübarizədə, Yeni Azərbaycan Partiyasının sıralarında öz yolunu davam etdirib. Və 30 ildən artıqdır ki, bu yolda davam edir. 
Məlumat üçün qeyd edək ki, Habil Vəliyev 1990-cı illərdə BDU-nu və Ali Hərbi Məktəbi bitirsə də, sonradan BDU-nun hüquq fakültəsində ikinci ali təhsil alıb, Mərkəzi Seçki Komissiyasının 125 saylı Zəngilan-Qubadlı Seçki Dairəsində Məntəqə sədri kimi fəaliyyətini davam etdirib. Eyni zamanda Azərbaycan Vətən Müharibəsi Veteranları Birliyinin Yasamal rayon təşkilatının sədri kimi veteranların problemlərinin həll olunmasında, gənc nəslin vətənpərvərlik ruhunda yetişməsində yaxından iştirak edib, tez-tez cəbhə bölgələrinə səfərlər edib. Sonrakı illərdə Habil Vəliyev müsəlləh əsgər kimi silahı qələmlə əvəz edərək media rəhbəri kimi dövlətçiliyimizə ağır zərbə vuran bəzi məmurlara, cəmiyyətimizdəki neqativ hallara qarşı mübarizə aparmağa başladı. İlk təsisçisi olduğu "Sabah-News", sonradan isə "Gündəlik Bakı" və "Yeni Əkinçi" qəzetləri vasitəsilə Cənab Prezidentin siyasi kursuna dəstək verməyə başladı. (Məlumat üçün qeyd edək ki, Biz Habil Vəliyevi 1990-cı illərdə dərc olunan qəzetlərdən tanıyırıq).
Qısa bir zamanda Habil Vəliyevin rəhbərlik etdiyi qəzetlər ölkənin aparıcı media qurumlarından birinə, rüşvətxor, korrupsioner məmurların, əxlaqsızlıq yuvaları saxlayan şərəfsizlərin qəniminə çevrildi. Habil Vəliyevin mediadakı fəaliyyəti həmin dövrdə mətbuatı, özünün dədə malı kimi idarə edən, mediaya göstəriş verən sabiq PA rəhbəri Ramiz Mehdiyevin, PA-nın keçmiş  şöbə müdiri Əli Həsənovun, cinayətkarlara himayədarlıq edən o zamankı baş prokuror Zakir Qaralovun və digərlərinin xoşuna gəlmirdi. Onlara “əl mediası”, “media mirzələri” lazım idi. Ancaq Habil Vəliyev həmişə Ramiz Mehdiyevə "Mənim işimə qarışma" deyərək özündən uzaqlaşdırırdı.
Habil Vəliyevin, Ramiz Mehdiyevə qarşı barışmaz münasibəti, nəticədə Ramiz Mehdiyevin sifarişi ilə Habil Vəliyevin məhkumluq həyatı yaşaması ilə nəticələndi. Ancaq onun məhkəmə önündəki çıxışı çoxları üçün nümumə ola bilər. 
Ona görə yazının girişində qeyd etdik ki, Habil Vəliyev hətta ən çətin, ağrılı situasiyalarda öz yolundan dönməyib, özünü Heydər Əliyev yolunun, İlham Əliyev siyasi kursunun ən mübariz davamçısı olduğunu bəyan edib. Yəni həbsdə olduğu müddətdə də Habil Vəliyev öz siyasi əqidəsini dəyişmədi, öz yoluna sadiq qaldı. 
Bir sözlə Habil Vəliyev, Ramiz Mehdiyevlərin, Əli Həsənovların, Zakir Qaralovların, Mehdilərin, Vasiflərin, Arzuların, Hüseynquluların, Səfərlərin, Səlimlərin, Şamillərin, Bəxtiyarların, Əflatunların, Oktayların, Mirsalehlərin, Ulu Öndərimiz Heydər Əliyevin qurduğu hökuməti kərpic-kərpic sökənlərə qarşı apardığı mübarizəni dayandırmadı.
2016-cı ildə Prezident Yanında İdarəetmə Akademiyasında keçirilən müşavirədə Habil Vəliyevin, Ramiz Mehdiyevə və Əli Həsənova qarşı açıq fikrini bildirməsi o zamankı dövr üçün ən böyük qələbə idi. 
Habil Vəliyev 2016-cı ildə keçirilən müşavirədən sonra, qorxmadan, çəkinmədən, böyük cəsarətlə  Əli Həsənov və Ramiz Mehdiyev cütlüklərinə "Sizin hərəkətləriniz barədə Prezidenti məlumatlandırmaq lazımdır" deməsi Ramiz Mehdiyev və Əli Həsənov çetesini hərəkətə gətirdi. Ramiz Mehdiyevin və Əli Həsənovun adamları Habil Vəliyevə qarşı hər yerdə qarayaxma kampaniyalarına başladılar. İş o yerə çatdı ki, Ramiz Mehdiyev dedi ki, "Sən heç həbs olunmaqdan qorxmursan?". O zaman Habil Vəliyevin cavabı belə olmuşdur: "Mən siyasətlə məşğul olsam da qohumlarımın heç biri ömürlük düşmənimiz olan erməni deyil". Bu cavab Ramiz Mehdiyevi daha da qəzəbləndirmişdir. 
Sonraki hadisələr hamımıza bəllidir. Budur, bir tərəfdə cəmiyyətdə mənfi imic qazanmaqla yanaşı, qəbrini indidən söydürən, ölüm ayağında olan, nəslini, nəcabətini daima problemdə qoyaraq, dünyasını dəyişməyə hazırlaşan Ramiz Mehdiyev, bir tərəfdə isə ömrünün ən gözəl çağında olan, həmişə ölkə başçısına, xalqına, vətəninə, millətinə, dövlətinə, dövlətçiliyinə sadiq qalan, mübariz, Qarabağ müharibəsi döyüşçüsü, ali təhsilli hüquqşünas Habil Vəliyev.
Xalqın gözü tərəzidir. Ramiz Mehdiyevin və onun çetesinin hansı vəziyyətdə olması göz qabağındadır. Baxın, media sahəsində Habil Vəliyev və onun komandası ən birinci sırada təmsil olunurlar. Kimlərin hansı mövqedə olmasından asılı olmayaraq, həmişə haqqı müdafiə etmək Habil Vəliyevin həyat devizi olmuşdur. Ramiz Mehdiyev və Əli Həsənov çetesinin gənc döyüşçüyə qarşı uzun illər mübarizə aparmasına baxmayaraq, sonda məğlub olmaları Habil Vəliyevin, cənab Prezidentimizə sadiq olması ilə əlaqədar oldu. Sonda bir məsələni xatırladım ki, Allahın ucaltdığı Habil Vəliyevi endirmək, nə Ramiz Mehdiyevlərin boyu, nə çəkisi, nə də ki savadı ölçüsündədir.
Budur, Habil Vəliyev media sahəsində fəaliyyətini elə bir yüksək səviyyədə davam etdirir ki, çoxları ona həsəd aparır.
Bu gün Habil Vəliyevin 50 yaşı tamam olur. Həmişə milli birliyi, dövlətçiliyi öz həyat prinsipi hesab edən Habil müəllimi “Yeni Əkinçi” media qrupunun kollektivi olaraq, səmimi qəlbdən təbrik edirik, ona cansağlığı, uğurlar arzulayırıq. Qələminiz iti olsun.
                                                                            NUH.AZ
Gundelik-Baku.Org